Scale: A, Meter C

कोः हल्लेलूयाह होसन्ना हल्लेलूयाह (४)

१. परमपिताको स्तुति गाऔं, हामीलाई बचाउने उनै हुन्
सबै पापीलाई गर्छन् क्षमा, सबै रोगीलाई गर्छन् चङ्गा ।

२. धन्यवाद दिई उनको आसनमा, आनन्द भई आऊ उनको चरणमा
सङ्गीत गाउँदै खुसीले मुक्तिको पहरामा जयजय गरौं ।

३. उनै हुन् हाम्रा परमपिता हामीलाई टिठाउँछन् सर्व सदा
कालो बादलको पर्दाजस्तो पापलाई हटाइदिन्छन् सदा ।

४. आमाले झैँ उनले शान्ति दिए दुनियाँको डरमा छोडेनन् कैले
चोखो दूध वचनको पियाई जीवन अमर दिए उनले ।

५. गोठालोले झैँ खोजी उनले निकाले पापको दलदलदेखि
प्राण त्यागी बचाए उनले गराए सबलाई आफ्नै अनि ।

६. गुँडलाई घरि घरि भत्काइदिए सिकाए हामीलाई उड्न आफै
पखेटामा उठाई उकाबले झैँ पारेनन् हामीलाई चोट कतै ।